საწყობის ობიექტზე ამოცანა იყო ორი სისტემის ერთდროული მოწყობა: გარე პერიმეტრის დაცვა და შენობის შიგნით სახანძრო სიგნალიზაცია. პერიმეტრზე მთავარი რისკი იყო ღამით შეღწევა დატვირთვის ზონიდან და კარიბჭის მხრიდან, ხოლო შიგნით — კვამლის ადრეული გამოვლენა მაღალ თაროებს შორის, სადაც ვიზუალური კონტროლი შეზღუდულია.
პერიმეტრისთვის გამოყენებულია Ajax-ის უკაბელო დეტექტორები და გარე სირენები, რომლებიც ჰაბზეა მიერთებული და მობილური აპლიკაციიდან იმართება — ეს განსაკუთრებით მოსახერხებელია იმ ზონებში, სადაც კაბელის გაყვანა რთულია. შიდა სივრცეში დამონტაჟდა მისამართული სახანძრო სისტემა Teletek-ის პანელზე — კვამლისა და ტემპერატურის დეტექტორებით, ხელით გამოძახების ღილაკებითა და ევაკუაციის სირენებით. სირენების ხმის დონე შერჩეულ იქნა შენობის მოცულობის მიხედვით.
ორივე სისტემა დამოუკიდებლად მუშაობს, თუმცა შეტყობინებები ერთ არხზე მოდის: პასუხისმგებელი პირი ერთდროულად იღებს როგორც შეღწევის, ისე ხანძრის სიგნალს. რეაგირება ერთი პუნქტიდან ხდება, რაც გამორიცხავს ინფორმაციის დაკარგვას სხვადასხვა სამსახურს შორის და ამარტივებს ობიექტის ყოველდღიურ მართვას.
